Ӳнер

Хĕвелпе тăван пуль эс,

Ăшшăн куçусем пăхаççĕ.

Куçусем — пăлхантараççĕ

Чунăма илем кӳртсе.

Лапкăлăх. Ултав та çук,

Суяна хальччен курман-тăр

Çакă çепĕç-çепĕç çут,

Пурнăç авăрне путман-тăр.

Уйăхпа тăван-ши эс,

Яшлăха пĕр çутататăн.

Сан çинчен ӳнер тĕрлес

Тен, кайран хăвах куратăн

Чăвашри Джокандăна.

Илĕн, чунăма, тăна

Çăлтăрпа тăванлăран

Маншăн эс çапла инçе-тĕр.

Эсĕ — манăн пурнăçра

Эпĕ тупнă çăлтăр-тĕрĕ.

Çĕнĕ комментари хуш