Халь кампа-ши тусăм?

Анна Никонорова | Сăвă | Таккавар | ултав | тунсăх | 564


Ылтăн кĕркуннеччĕ, çулçă тăкăнатчĕ.

Пĕр-пĕччен утаттăм кӳршĕ ял шкулне.

Яш чĕре сикетчĕ, тĕлпулма хавасчĕ,

Тĕл пулсан хыпатчĕ çулăм чĕрене.

Çамрăклăх вылятчĕ, кăварлă çунатчĕç

Вунулттă тултарнă хĕрĕн тутисем.

Пĕр сана курасшăн, пĕр санпа пуласшăн.

Телее тупасшăн пулнă пĕрлешсе.

Иртре яшлăх шавĕ, юрату ултавĕ,

Асăнмалăх юлчĕç хуçăк кăмăлсем.

Халь кампа-ши, тусăм, юнашар утатăн?

Кам çине пăхаççĕ хăмăр куçусем?

Ылтăн кĕркунне те, ешĕл çуркунне те

Пĕр-пĕччен тухатăп укăлча умне.

Эс мана мансан та, эп сана кĕтетĕп.

Манас марччĕ санăн Таккавар ялне.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: