Тĕлĕнтермĕш лашасем


Пĕррехинче эпĕ каçхине ĕне çитерме кайрăм. Çанталăк питĕ уярччĕ. Хĕвел те ман çине питĕ ăшшăн кулса пăхатчĕ. Йĕри-таврари йывăçсем çĕнĕ симĕс кĕпе тăхăннă евĕр ем-ешĕл ӳсеççĕ.

Эпир юлташсемпе çерем çине вăйă выляма пуçтарăнтăмăр. Инçех те мар лаша ферми пурччĕ. Унта пирĕ кӳршĕ – Коля тете ĕçлет. Вăл паян кунта хурал тăрать иккен. Эпир ун патне юмах итлеме çӳретпĕр. Вăл питĕ сăмах çапма юратать.

Ачасем мучие йĕри-тавра сырса илчĕç те тимлĕн юмах итлеме вырнаçса ларчĕç. Акă мĕн çинчен каласа кăтартрĕ пире мучи: «Ĕлĕк-авал пĕр хресченĕн виçĕ ут пулнă, вĕсен пĕрер тиха. Çак лашасем питĕ хитре те ăслă пулнă. Виçĕ чĕлхепе калаçма пултарнă, пĕтĕм çĕр-шыв тăрăх курса çӳренĕ. Хуçи вĕсемпе питĕ савăннă, мухтаннă.

Пĕррехинче вăл инçе çулçӳреве тухма шутлать. Пĕр лаши çине ларать те çӳлелле хăпарса каять. Ют çынсем çак лашасене вăрласшăн пулнă, анчах вĕсем хуçине çеç итленĕ, ниçталла та пăрăнман. Темиçе çĕр-шыва çитсе курать хуçа, унти пурнăçа сăнать. Акă вăл чаплă Пăлхар хулине çитсе кĕрет. Кунта ăна мăн асаттесем кĕтсе илеççĕ. Вĕсем лашасен ăмăртăвне йĕркеленĕ иккен. Çакăнта хутшăнма шутлать те хайхи мучи. Вĕсене чи йывăр ĕç хушаççĕ — тӳпери çăлтăрсене çĕр çине илсе анмалла. Кам пĕрремĕш пуçтарса анать, çав çĕнтерӳçĕ пулать. Ăмăртуçăсем виçĕ талăк хăпарнă. Çак хресченĕн лаши вара пĕтĕм вăйне пухса пирвайхи вырăна тухма тивĕçлĕ пулать. Хăш-пĕр учĕсем е тихисем çул çинчех выртса юлнă. Çакăншăн вара хресчене питĕ нумай укçа парса чысланă.

Малалла вăл Пӳлер, Сăвар тăрăхĕсене çитсе курать, унти çынсемпе курса калаçать. Пур çĕрте те пурнăç йывăррине асăнаççĕ, пусмăрçăсен аллинчен мĕнле тухмаллине шутлаççĕ. Вара хресчен вĕсене хăйĕн пек лаша усрама сĕнет. Вăл йывăрлăхсенчен пулăшма пултарасса шантарать.

Хăй вара каялла, килĕ еннелле çул тытать. Пухнă укçана вăл куланай тӳлесе пĕтерет. Тиексемпе пурмиссем питĕ тĕлĕннĕ: «Мĕнле майпа çак хуçа пуйса кайнă-ши?» — тенĕ. Хуравне ниепле те пĕлеймен. Мучи те каласа кăтартман. Çак тĕлĕнтермĕш лашасем хуçашăн çывăх юлташ пекех пулнă. Çавна май хуçи те вĕсене питĕ лайăх пăхма тăрăшнă.»

Çакăн пек шухăшсемпе мучи хăйĕн калаçăвне вĕçлерĕ. Малаллине ыран каласа пама шантарчĕ.

Эпир вара, шăпăрлансем, чылайччен кăвайт умĕнче шухăша кайса лартăмăр: «Эх, пиреччĕ çакăн пек чаплă та асамлă утсем...» Манăн юлташăм та сăмах хушрĕ: «Ыранах пĕчĕк тиха усрама пуçлатăп. Тӳпери çăлтăрсене пурне те парнелетĕп...»

Вулавçăсен шухăшĕ Вулавçăсен шухăшĕ


Марина (2010-11-08 11:36:09):

Хайлав тараăн шухашлă,ачасене тĕлĕнтермĕш тĕнчине чĕнет, питĕ интереслĕ, мана килĕшрĕ

Чĕлхе илемлĕхĕ: илемлĕ | Шухăшĕ: вăйлă | Содержанийĕ: тарăн

 

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... »
Хаклав:
Шухăшĕ:
Чĕлхе илемлĕхĕ:
Содержанийĕ: