«Савнă-ши сана эп е савман-ши...»

Виталий Станьял | Сăвă | 365


Савнă-ши сана эп е савман-ши —

Калаймастăп халĕ тин татса:

Çут тĕнче пĕрех хаваслă маншăн,

Çаплипех çанталăк тап-таса.

 

Вĕлтĕр çил шурă юрпа хавассăн

Алхасса ачашланать кăна.

Ку чухне санпа пулнă пулсассăн

Юлăттăм туймасăрах ăна...

 

Халиччен мĕнле çакна пĕлмен эп —

Сансăрăн та çут тĕнче хитре!

Юр пĕрчи те, вылянса киленнĕн,

Чуптума пĕлет мана питрен.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ:

Шухăшсем