Пурăнма пĕлни паха

Зоя Сывлăмпи | Сăвă | пурнăç | вăхăт | 481


Çĕр çинче çук нимĕн те яланлăх,

Мĕн пурри килет вăхăтлăха:

Пурнăç çулĕ курăнсан та анлă

Хăвăртах çитетпĕр ватлăха.

 

Ĕнер çеç хитре çеçке çуратчĕ

Çамрăклăх турачĕ чĕрĕлсе.

Çепĕç, ырă ĕмĕтсем умраччĕ —

Çук паян чĕнсессĕн те йĕрсе.

 

Çын телейĕ те çĕтет хыпарсăр:

Ун çути те, шел, вăхăтлăха.

Пурăнатпăр нимĕн хакламасăр,

Çухатсан шыратпăр кăлăхах.

 

Çĕр çинче çук нимĕн те яланлăх,

Мĕн пурри килет вăхăтлăха.

Умăнта мĕн пур — йăлтах пуянлăх,

Пурăнма пĕлни нимрен паха!

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: