«Кама-тăр вăрттăн килĕштернĕ...»
Кама-тăр вăрттăн килĕштернĕ,
Кама-тăр уççăн юратман.
Усал шухăщлисене хӳтернĕ,
Ыр тунине часах манман.
Именчĕклĕ, ытла сăпайлă,
Çын куласран хăра-хăра
Çапла эп çитĕннĕ хам майлă
Вăрманлă, лăпкă тăрăхра.
Ачалăхăм — çырла утравĕ,
Шап-шурă Çĕмĕртлĕ1 тĕнчи.
Ыйтсассăн вырăс-и, тутар-и,
Калаттăм эп: «Пӳлер енчи».
Мăнаçчĕ çак самант ман сăнăм,
Кĕрен витсен те питĕме,
Умра уксах Тимур хăй тăнăн,
Сапатчĕ куçăм хĕлхеме.
Пĕртен-пĕр хурçă сăнă евĕр,
Шăтарасла пăхса илсе
Эп хатĕрччĕ çич ĕмĕр витĕр
Ямашкăн çулăмсăр ĕнтсе.
Çапла ман кăмăл тĕрекленнĕ,
Аваллăхăн ятне яман.
...Кама-тăр вăрттăн килĕштернĕ,
Кама-тăр уççăн юратман.
Шухăшсем
Struggling to attract the right leads? O...
Wanting to revitalize your websit...
Watch this if you are struggling to get ...
Need a boost in website traffic? Our AI ...
Not getting enough leads for Chuvash? Ch...
Is your Chuvash website missing out on l...
Wanting to maximize your website ...
Want more targeted leads to your website...
Çитмĕлсенчен иртсен те, хаш сывлатпăр, А...
Цикори çинчен ытларах пĕлесшĕннччĕ ...