Ман пата эс килме пултарсан

Михаил Андреев | Сăвă | 456


Ман пата эс килме пултарсан,

Эп пулăттăм чи телейли.

Эпĕ калăттăм эс чуп тусан:

Çук пĕр çын та санран илемли.

 

Ун чухне пгур юра хăпăтса

Пахчара мăкăньсем çĕкленсен,

Юрату хăватне ăнланса

Эпĕ опера çырăттăм, тен.

 

Ун чухне шăнкăрчсем шăхăрса

Раштаврах килессе Индирен

Чĕререн савăнса, хумханса

Ĕненме эпĕ пуçлăттăм, тен.

 

Ман пата эс килме пултарсан,

Йыттăм пуçлĕччĕ, тен, ташлама.

Купăс калĕччĕ пуль ват автан.

Сăвă çырĕччĕ, тен, хурама.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ:

Шухăшсем