Чăвашла калаçар


Кам-ши, кам пахчара

Сас кăларчĕ ара?

Сăмахссм шăрçалать.

Ку вăл лăпкă çăка,

Çĕнĕ вăрлăх акать —

Чăвашла калаçать.

 

Хулара шăй та çуй —

«Еткерпе» акатуй,

«Канаш» ятлă хаçат,

Шупашкар хулине

Кумнă май Кулине

Чăвашла калаçать.

 

Çӳпĕ-çап хăш чухне

Мăкатать чĕлхене,

Илтĕнет çăт та çат...

Çутă çăлтăр сиссе,

Аякран куç хĕссе,

Чăвашла калаçать.

 

Чĕмпĕрти хурăнташ,

Çывăх тус е юлташ,

Пĕр сăмахлă пулар:

Трамвайра тĕл пулсан:

Савăнса, янратса

Чăвашла калаçар.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... »
Хаклав:
Шухăшĕ:
Чĕлхе илемлĕхĕ:
Содержанийĕ: