Юрату чечеклентĕр

Вячеслав Круглов | Сăвă | 2008 | юрату | 390


Юрату чечеклентĕр

Садри шур çеçке пек.

Юрату сана чĕнтĕр

Çăлтăрсен çути пек.

Савăк юрă çуралтăр

Юратсан, тĕнчере.

Юрату ан çухалтăр

Нихăçан чĕререн.

Юратсан ан пăрахăр,

Савнисем, пĕр-пĕрне.

Çутă чăнлăх пурах-тăр

Юратупа пĕрле.

Чĕрене çунтарман-и,

Эпирех çамрăкла?

Ĕмĕтпе çутăлман-и

Кун кунлан çаврăмра.

Çакă туйăм-и пултăр

Яланах чĕрере.

Юрату чĕнсе тăтăр

Ĕмĕрех тĕнчере.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: