Хуралти чăрăшсем
Аллейăпа утса пыратăп.
Ик енĕпе те чăрăшсем.
Вĕсен хитрелĕхне туятăп:
Ытла та капăр тумĕсем.
Хĕл кунĕнче, тен, уйрăмах та
Туяп вĕсен илемлĕхне.
Тупаймăн нимĕнле сăмах та
Хурлас тесе эс вĕсене.
Шап-шурă шупăр-кĕрĕк — уртнă
Йăп-йăрăс пĕвĕсем çине.
Кун пек сăнпа камах-ши курнă,
Иртсе пыруçăн, вĕсене?
Хама парадри пек туятăп.
Хуралтисем-çке — чăрăшсем.
Вĕсен енне пуçа таятăп,
Салтаксене аса илсе.
...Яш каччăсем хурал тăраççĕ
Çĕршывăн тĕрлĕ чиккинче.
Вĕсем-и тăшманран хăраççĕ?
Çук, ун пекки пулман хальччен.
Хитрелĕхпе шав тĕлĕнтерччĕр
Паян, ыран та чăрăшсем.
Ыр хуралта кăна ирттерччĕр
Чикĕсенчи патвар яшсем.
Шухăшсем
Discover how our AI can skyrocket your C...
Struggling to get targeted leads to your...
Striving to energize your website...
Аван ...
кайăксем чăнахта лайăх чĕр - чунсем
Çитмĕлсенчен иртсен те, хаш сывлатпăр, А...
Цикори çинчен ытларах пĕлесшĕннччĕ ...
Замечательное поэтическое творение...
Аван çырнă вăл вăхăтра ...
Кам пĕлет И...