Сулахай атă çинчен хывнă хайлав

Сăвар Эртиван | Шăранчăк | 1973 | 816


Çу

çывхарсассăн,

çĕр

тăртансассăн

эп

улăхаттăм

мачча

тăррине.

Пурччĕ

пĕр атă

ватă

кукаçăн.

Çук,

тăхăнмастчĕ,

вăл –

сулахай.

 

Сулахай ури унăн вăрçăра суранланнăччĕ, хурлăх хирĕпе утнă аттине усратчĕ вăл, асăнмалăх упратчĕ.

 

Эпĕ

йĕреттĕм,

йĕрсех çав

илеттĕм

çавă атта.

Тусан та

тиеттĕм,

тăм

турттараттăм

трактор

туса.

Кукаçăм

кулатчĕ,

шăлне çеç

çыртатчĕ...

 

Кам каçарĕ-ши манăн чунсăрлăха?

 

Тен,

хăлхинче ун

марш

янăранă?

Салтак

аттисем

парадри пек

шаклатнă?

 

Ачалăх çеç каçарĕ чунсăрлăха манне. Кукаçăм, сулахай атту умĕнче тупа тăватăп.

 

Хăрах

атăсем

ӳлĕмрен тек

ан пулччăр!

Ун пек

атăсем

пире

кирлĕ мар.

Эпир

сывă чух

сывах

сулахайĕ.

Эй, вăйăç!

Утатпăр.

Кала

мирлĕ марш!

 

Йĕпреç. 1973, çĕртме.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: