Электронлă вулавăш

Очень прошу Вас сделать распоряжение поместить в одном из ближайших номеров Вашей газеты прилагаемую при сем заметку. При чем прошу напечатать без изменений, без сокращений, в таком же виде как написано мною.

Извиняюсь за беспокойство. Заранее благодарю вас за Ваше любезное внимание к заметке.

С уважением к Вам И. Ефимов-Тăхти.

* * *

Кăçал татах тухнă пĕр пĕчик кĕнеке, Колчак ятлăскер.

Вăл кĕнеке пеккинче пурĕ 23 ен теме юрать пуль. Хакĕ 30 пус ун.

* * *

Кĕнеке çырас ĕçе çыраканни витĕр чухлайман пирки, тĕрлĕ çĕрте авторăн тăн çитмен майпа унта-кунта йăнăшсем пулнă вăл кĕнекере.

Куç кĕретех курăнса тăракан йăнăшсем: 8-мĕш енче — Дутов ятлă адмирал тенĕ, апла мар, Дутов ятлă атаман тесе çырмалаччĕ; 10-мĕш енче паллă туса çырни пур: — Качча кайнă хĕрĕн хăйматлăх ашшĕне ун упăшки вăртах тет, — тенĕ. Хăйматлăхпа вăртах пĕр сăмах-ши вара?! Харпăр хăй сăн-пуçне çухатса хăçан пĕр çĕре çăрăнса кайнă-ши вара вăл сăмаххисем?! Çăмахпа пашалу иккĕш те пĕр япалах-çке тенĕ пекле пулмас-ши апла вăл. Унашкал «чаплă сăмах-юмаха» ăнланма хамăн та тăн çитеймес-çке те.

Точка, тире, запятай таврашсене кирлĕ-кирлĕ мар çĕре лартни-лартманни чылай пуль вăл пĕчик кĕнекерех. Витĕр курса вулакансем çыракан йăнăшĕсене тата чылай кураççĕ пуль унта.

* * *

Колчак çинчен çырнине поэма тенĕ. Литература историйĕнче асăнма тивĕçлĕ пулсан «политический памфлет» текен япаласен картине кĕртме май килмес-ши ăна та.

* * *

Кĕнеке хуппи çине çӳле — И. Тхти (Ефимов) — тесе çапса хунă. Тăхти тенипе çех сахал пулĕ, апла кăна çырсан ăна никам та палламĕ. Ятлă çын пулма, паллă, чаплă пулма Ефимов тесе те хушса хурас тенĕ пекле пулнă-ха та ĕнтĕ вăл. Ытах чапла тухас кăмăлпа çырас пулсан çичĕ хут Тăхти (7 х Тăхти) тесе математика формипе çырнă пулсан та юратчĕ пуль те ăна.

* * *

Этем чĕлхипе çырма чухлаймасан, мĕн-мĕн çырнине И. Тхти (Ефимов) хăй те ăнланаймасан, унта-кунта йăнăш çырса кĕнеке илсе вулакансене чăрмантаракан этем малалла кирлĕ-ши вара ăна?! Апла мухтанас кăмăл пулнă та ĕнтĕ ачин. Хăйне хăй мала хуни, мухтанни те тивĕçлĕ пулман хайхи шереметĕн.

* * *

Чухламасăр сăмах-юмах ывăтнăшăн ятлассине ятлăр та, ятласан та ан çиленсемĕрчĕ ĕнтĕ мана, хаклă юлташсем!

Тăхти