Çынна ырă ту
Çынна хурлах пусать.
Çын — пĕчченçĕ. Аптрать.
Çыннăн —
Çын чăтайми çухату.
Саспа мар, чĕрипе
Çын сана йыхăрать —
Эс васка ун патне. Ырă ту.
Çыннăн — пысăк телей.
Çын — çын пек хĕпĕртет.
Чĕрине
Шăнăçмасть юрату,
Çын пĕччен савăнмасть.
Юлташне вăл чĕнет —
Эс васка ун патне. Ырă ту.
Çын пĕрре йăнăшать.
Йăнăшмасăр утма
Пултараймăн эс ху та,
Асту.
Çав çынна пулăшма,
Йăлт куçран калама
Эс васка ун патне. Ырă ту.
Çын çынпа пурăнать.
Çын çынпа савăнать.
Çын! —
Хăватлăн янрать сан яту.
Çын юраттăр çынна,
Хисеплетĕр çынна;
Çын патне эс васка,
Ырă ту.
Шухăшсем
План можите пожалуйста написать
Большое спасибо! Это является потрясающ...
Вау, привлекательно веб-сайт...
Вау, привлекательно веб-сайт...
Вау, привлекательно веб-сайт...
Вау, привлекательно веб-сайт...
Вау, привлекательно веб-сайт...
Питĕ чуна пырса тивекен сăвă...
Ĕлĕк , вуншар çул каялла , тейĕпĕр , вул...
Пĕр калаврах ĕç-пуçĕ целăй романлăх !!!