Тасалăх
Суйма пĕлмен ачан çут куçĕ пек
Сенкер тӳпе паян таса.
Шап-шур чиркӳ хĕреслĕ вĕçĕпе
Тăрать умра псалом çырса.
Тӳпе пекех сенкер ачаш куçпа
Ача пăхать чиркӳ енне,
Хĕвел пек çута ăс-пуçпа
Вăл йăпшăнать: «Атя, аннем...»
Ун халь часрах шала кĕрес килет,
Шалта сыптарĕç Тур Юнне.
Çинçе саспа чан кĕлĕ кĕвĕлет
Хĕмлентерсе ача чунне.
Хĕрес çине çакланнă хĕвеле
Просфорка тейĕн чăнласах.
Тĕнкĕлтетсе чан кĕлĕ кĕвĕлет,
Чунра — ачан çут куçĕ пек таса!
Çĕнĕ комментари хуш
Шухăшсем
Tired of low website traffic? This video...
Not getting enough leads for Chuvash Org...
Мĕнле пулнă, çаплипех тăрать, заблокиров...
Тархасшăн çак ухмахсен шухăшĕсене тасатă...
Сергей Юшков - Етĕрне районĕнчи Атликаси...
Лайăх сăвă ачасемшĕн...
Темле çын та пур çĕр çинче, тĕлĕнместĕп....
Аван ...
кайăксем чăнахта лайăх чĕр - чунсем
Çитмĕлсенчен иртсен те, хаш сывлатпăр, А...