Çăпатапа çатлаттарса çуреттĕм
Çăпатапа çатлаттарса çӳреттĕм,
Кĕпе-йĕм кантăр пирĕнченччĕ ман,
Атте-анне тумне мĕнле тиркетĕн,
Йĕрки çапла-çке пынă авалтан.
Йĕс шăнкăравлă вăхăт урхамахĕ,
Пуçне ухса, иртейрĕ урампа.
Ялти яш-кĕрĕме халь паллама хĕн,
Урампала утмасть вăл пир тумпа.
Кĕпи — мадьярăн, шăлавар — Вьетнамăн,
Пушмакĕ килнĕ чех пасарĕнчен.
Çак çĕр çинче туссем халь пит нумай ун,
Мĕн териех-çке улшăнчĕ тĕнче!
Хул айĕнче ал лаппи пек транзистор,
Çĕр чăмăрĕ пуплет йĕкĕтпеле.
Вылятăр кăмăлĕ, пит-куçĕ çиçтĕр,
Куратпăр — Марс çине кайса килет.
Çур ĕмĕр иртрĕ, вăхăт урхамахĕ
Çаплах, пуçне ухса, юртать, юртать.
Мана хама та халĕ паллама хĕн,
Эп çавăраймăп çамрăк вăхăта.
Ăна ман çăпатишĕи çавăрас-и,
Шеллес-и кантăр пирĕшĕн ăна?
Чан пек кĕрлет-ха, тытăнмасть-ха сассăм,
Кӳр, çамрăк-кĕрĕм, ăслă аллуна!
Шухăшсем
Вĕçлемĕш ик йĕрки асăма килсех тăратччĕ ...
Вячеслав! "Шурё юрлё" (Белым снегом) юрр...
Тавах паттёр Борлена мухтанёшён...
Паян поэтăн çуралнă кунне паллă тумалли ...
Юмăçсем хăшпĕр чухне тĕрĕссинех палăртаç...
Bermarkle тата AlexMaster тем каласшăн ...
Bermarkle тата AlexMaster тем каласшăн ...
Тĕрĕс палăртать поэт: пурнан пурнăçра ăш...
Юлашки йĕркине улăштармалла, Тав тăватпă...
Питĕ килĕшрĕ Шемекеев Витали сăвви !