Эсĕ мантăн эп сана юратнине…

Эсĕ мантăн эп сана юратнине,

Эсĕ саврăн чи чипер, хитре хĕре.

Вăл илемлĕ, пурпĕрех сив чĕрине

Ăшăтаймăн юратса чун-чĕререн.

Ăшăтаймăн сив чĕре пăрланăвне,

Ăшăтаймăн, пулăн пăр ун çумĕнче.

Манса кайăн, чăн савни юратăвне,

Шăнса ларĕ юрату пăр ăшĕнче.

Шăнса ларĕ юрату ĕмĕрлĕхе,

Вăл аркатĕ телее, пурăнăçа.

Аса илĕн эс ун чух чун савнине,

Анчах пулмĕ тавăрма юратăва.

Çĕнĕ комментари хуш