Çĕнĕ ăрăва1

Çĕнĕ ăрăва

Çĕн ăру, çĕн ăру!

Эпĕ — санăн чуру.

Çитмесен — çитерсем,

Ытлашши — каçарсам.

Ан пĕтер хӳтерсе

Йăнăшсем тĕл пулсан.

Çĕн ăру, çĕн ăру!

Манран çуккă чару:

Ĕмĕтлен, чечеклен,

Çунат сар та çĕклен,

Пул хастар, пул малта,

Пултарсамччĕ йăлтах!

Пул маттур эс пиртен,

Ку йĕрке — ĕлĕкрен.

Çĕн ăру, яш ăру!

Кĕр-кĕрлетĕр юрру!

Эс чăваш пулса юл, —

Çакă пулĕ ман мул.

Эп кĕтетĕп сана,

Улăштар эс мана.

Эсĕ кил, эсĕ кил!

Ил манран ăшă пил!