Ырă ир


Чечек пек илемлĕ ирхи хĕвелтухăç,

Хаваслăн та уççăн сывлать сĕм вăрман.

Хирте тăрисем ав çӳлтен çӳле ухрĕç,

Каçхи шăпчăксем те çаплах çывăрман.

 

Вăранчĕ хĕвел — йăвашшăн çутатрĕ,

Лаштра йывăçсен хушшипе çĕкленсе.

Ахахăн-мерченĕн çунса ялтăртатрĕç

Çĕрле сывлăмланнă тыр-пул уйĕсем.

 

Ял халăхĕ тăчĕ, кĕтӳ хăвалаççĕ,

Яшка пĕçереççĕ чипер инкесем.

Апат çиме тăрăр, — тесе вăратаççĕ,

Анчах тăрасах та килмест çамрăксен.

 

Ачашшăн пăхса йăл кулать сар хĕвелĕ,

Хĕрӳллĕ ĕçе тытăнаççĕ çынсем.

Таçта янăрарĕ çĕн юрă телейлĕн

Хĕвел хыр тăрне хăпарса çитнĕçем.

Çавăн пекех пăхăр

Вулавçăсен шухăшĕ Вулавçăсен шухăшĕ


Улюна (2010-04-09 18:08:35):

Тахсанах кун пек хитре сава вуламанчче... Таса ачалаха илсе каякан хайлав...Аллитераци-ассонанс,рифма-ритм пурте чан чавашла.Семен Петтин саввисене университетра вереннеренпе те асархаманчче пичетре.

 

Витя (2010-04-09 19:23:35):

Петĕр, сăввусене нумаях пулмасть"Хыпарта" та курнăччĕ.Чăнах та,нумайранпа вуламанччĕ эс çырнисене.Пуçĕпех писрĕ-ши поэзирен?- тесе те шутланăччĕ.Апла мар иккен.Сăввусем унчченхиллех янăраççĕ: уçă,таса,çутă.

 

Admin (2010-04-10 00:29:00):

Ку сăвăсене «Хыпартан» илсе. Тата тупсан — кĕртетпĕр

 

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... »
Хаклав:
Шухăшĕ:
Чĕлхе илемлĕхĕ:
Содержанийĕ: