Кĕр хыççăн, кĕт, сив хĕл килет...
Кĕр хыççăн, кĕт, сив хĕл килет
Хăй йĕркипе, хăй кĕввипе.
Пире çанталăк тĕрĕслет
Пĕр шăрăхпа, пĕр сивĕпе.
Хӳме пек çӳллĕ кĕрт лартма
Пултарĕ тăвăл çĕрĕпе.
Шатăртаттарĕ шартлама, —
Çӳçенмĕп, тĕнмĕп, чĕрĕп пек.
Чунра — хавал, хулра — вăй-хал,
Чĕре — вĕри, тĕллев — таса.
Хăлатланас та ак халь-халь
Вĕçсе каяс пек космоса.
Çанталăк тĕрĕслет пире, —
Ăс-туйăма тăрăлтарать.
Сăн-пит çуталнă çиçĕмре,
Хĕвел тасалăхĕ чунра.
Вулавçăсен шухăшĕ
Çĕнĕ комментари хуш
igv60 (2010-03-25 11:19:42):
Аван сава.Анчах анланма каштах йывёртарах.Содержанийе ватам.
Нарспи (поэма,перевоХузангая). В селе Сильби (2011-12-24 17:22:26):
Нарспи поэму прочитать на чувашщском языке