Килет хĕрарăм самани

Хама чышрăм: «Ма каларăм,

Сывлăша чĕтрентерсе,

Çутă тĕнчере хĕрарăм

Пирĕнтен ухмах тесе?»

Пулнă, тет, матриархат

Ĕлĕкрех, тахçан.

Халĕ те вăл çывхарать.

Ма унран хăран?

Çемьере, ав, арçын влаçĕ

Йăшнăçем йăшсах пырать.

Вырăн сарма та каç-каçăн

Арăм мăшăрне хушать.

Эрехпе тек чакараççĕ

Ĕмĕрне Нил-Ваççасем,

Вун-вунпилĕк çул хушаççĕ

Анюксем те Наççасем.

Пикесем те, инкесем те

Ертӳçсенĕн пуканне

Йышăнаççĕ пур çĕрте те

Ытларах халь кулленех.

Тухĕ, чăн та, пире хирĕç

Ак Хĕрарăм самани.

Арçын калĕ: «Ертсе пыр эс

Малалла мана, савни».

Çĕнĕ комментари хуш