Ан епсĕрлен, евĕклĕ пул

Епренчĕк¹ çук тăк питĕнче

Ерçӳллĕ, евеклĕ² кашни...

Телей тени вăл çĕр çинче

Вăй-халлă, сывлăхлă пулни.

Елпĕн³ ача вăл елпешке⁴,

Çунатсăр енлĕх⁵ кайăк пек,

Ачу сан еркĕн? Ан тирке,

Ĕçтер, çитер мĕн пуррине.

Ан епсĕрлен ытахальтен,

Ачу кăшт елпĕн пулнăран,

Этем пулса вăл çитĕнсен

Хăвна тăрантĕ ватăлсан.

¹ Епренчĕк — шыçă, çăпан
² Евеклĕ — кăмăллă
³ Елпĕн — кăштах иртĕхекен
⁴ Елпешке — халсăртарах
⁵ Енлĕх — тискер кайăк

Çĕнĕ комментари хуш