Çумăр хыççăн
Эх, аван-çке çумăр хыççăн
Каç пулса килес чухне,
Янратса ярсассăн уççăн
Шăпчăк савăк юррине,
Кĕрлесе иртсен, мăнаçлă
Аслатийĕ, инçетре,
Мĕн тери чуна хаваслă, —
Мĕн тери çĕршыв хитре!
Кун пек чух епле лăпланăн
Тухмасан шыв хĕррине?
Савăнса тăрса сăнатăн
Аслă Атăл илемне.
Инçех мар, лере, шыв çийĕн
Çăмăл кимĕ ярăнать.
Ун çинчи хĕрсен сассийĕ
Атăл тăрăх ян каять.
Эп алла илсеттĕм купăс
Ĕнересшĕн çав юрра.
Çавăн чух вара ман шухăш
Кĕвĕленчĕ сăвăра.
Пит аван çав çумăр хыççăн
Хĕвел аннă вăхăтра
Илтĕнсен илемлĕн, уççăн
Çĕнĕ юрă таврара.
Çĕнĕ комментари хуш
Шухăшсем
Пурте ун пек çырма пултараймаççĕ, çавăнп...
Чан та...
Пĕлетĕн, пĕлетĕн эс, аякри тăванăм, ху...
Кун пек нумай томлă, чаплă произведенисе...
Э-э-эх! Темелли кăна юлнă ĕнтĕ пирĕн к...
"Илемлĕ лиература",- тесе ахальтен кал...
Туссем, эп çамрăк çын мар, çавăнпа Генн...
"Пĕри хăй айĕнчи лашине виç кун шыранă" ...
кашни вуламассерен куççуль юхать
Сăвă чĕрене хускатса куçран куççуль кăла...