Каннă вăхăтра

Арсентий Андреев | Сăвă | 388


Çамрăксем хĕрсе ташлаççĕ

Тăмрапа халь аулта.

Чи илемлĕ Атăл каçĕ

Куçса килнĕ пек кунта.

 

Ман ума пырса тапатăн...

Ташласа чăваш ташши

Вут-кăвар кăларĕ аттăм, —

Ывăнмашкăн пĕлĕп-ши?

 

Эх, ташлатпăр çума-çумăн:

Эс — казах, Эп хам — чăваш.

Пирĕнпе пуçна эс усмăн,

Çеçен хирçынни, юлташ.

 

Çăлтăрсем хĕмне тăкаççĕ,

Вăйă-кулă аулта.

Инçетри çут Атăл каçĕ

Куçса килчĕ хăй кунта.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ:

Шухăшсем