Эпир – пĕр тĕпрен

Сăвар Эртиван | Сăвă | 1967 | 589


Пĕри манран ыйтрĕ, «Ăçти пултăн эсĕ?»

«Пĕлетĕн-и – терĕм – Кольцовка енне?»

«Юлташăм, ан кул-ха, ăна та пĕлмесĕр.

Тăхта-ха. Тен, эс Коротков тăванех?»

 

«Ăçтан эс?» - тесессĕн, «Пĕлетĕр-и, – терĕм –

Кушлавăш текен вун ик ялăн уйне?»

Умри чăвашсем алă тытрĕç, «Элкерĕн

Ентешĕ эппин. Тен, ун тăванех?»

 

Ытти халăхсен хушшинче те чылайăн

Ыйтаççĕ манран, «Сан килӳ ăçтарах?»

«Илтсе-и эсир Андриян Николаев…»

«Тăхта-ха. Тен, эсĕ те Шуршăлтанах?»

 

Таçти кĕтесре те мана питĕ лайăх

Пĕлеççĕ пулсан та, паллашчăр тепре,

Элкер, Коротков, Николаев

Манпа пĕр тăван. Эпир – пĕр тĕпрен!

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: