Хурăнпа çил
Сарă пурçăн тутăрне çыхать
шурă хурăн — сĕм вăрман пики.
Тĕкĕр пек кӳлле пăхса ларать,
чӳхенет хуллен шур кĕлетки.
«Шурă хурăн — сĕм вăрман пики, —
юрлаеа çил таврăнчĕ уйран, —
çук-çке юратни ман сан пекки,
сансăр кăмăл сӳрĕкленчĕ ман».
Юрласа çил таврăнчĕ уйран,
сĕртĕнчĕ ачашшăн хурăна:
«Асăнмалăх пĕр парне санран
эп илесшĕн — парăн-ши ăна?»
Вăтанать шур хурăн, чĕнеймест,
çил ыйтать çине-çине парне.
Чăрсăрланнă çил текех кĕтмест —
сӳсе илчĕ пурçăн тутăрне.
Юлчĕ шурă хурăн хурланса
хура çӳçлĕ çамрăк пикелле.
Ал тăсать шур хурăн йăлăнса,
тутăрне пама чĕнет çиле.
Шухăшсем
Повысьте эффективность своего производс...
Предлагаем вам высококачественный троту...
Use AI to drive targeted traffic to your...
Every day, websites like chuvash....
Круглозвенные цепи — это не просто элем...
В современном мире, где качество и безо...
Замечательное поэтическое творение...
Аван çырнă вăл вăхăтра ...
Кам пĕлет И...
Тĕлĕнмелле çырнă...