Тĕрлĕ тĕрĕллĕ тĕнче
Чăвашăн çĕвĕ-тĕрринче
курма пулать çĕр-çĕр тĕнче.
Пĕри ансат. Ун çук çĕнни.
Тепри – айван çын пĕлменни…
Ман ĕмĕр – тĕрĕллĕ тĕнче.
Иртет-ши вăл халь хăшĕнче.
Яш чух тĕллевĕ те пĕрре,
саватăн çав ухмах тĕрре.
Юрать ку тапхăрĕ кĕске,
пуçлатăн ăнланма кĕске.
Чи кăткăс тĕрĕ - конĕлли,
е – çанă вĕçĕ çырулли.
Çапла тĕрлет хăй ĕмринче
этем тени чылай тĕнче.
Йĕс йĕп йĕрлет – çип хăвалать…
Хăй тĕррине çын хăварать.
Элĕк, 12.08.2007
Вулавçăсен шухăшĕ
Çĕнĕ комментари хуш
PETERULETIMER (2009-09-12 21:23:03):
Тарăн шухăш пуçламăшĕ пур.Тĕрĕлесе çитермен.