Салампи юрри
Çӳл тӳпере çăлтăр вылять,
Сан куçу пек йăлтăртатса.
Чул хушшипе тăр шыв юхать,
Сан куллу пек шăнкăртатса.
Сывлăм ӳкет садсем çине,
Кĕмĕл сапса тăван çĕре.
Ăçта-ши эс çак каçхине?
Сана кĕтсе çунать чĕрем.
Пĕччен ытла кичем мана,
Сансăр мĕнле çĕр ирттерес?
Мĕн пулчĕ-ши, тусăм, сана?
Ăçта-ши эс? Кампа-ши эс?
Шуçăм çути çӳл тупере —
Пуриншĕн те килет ыр кун;
Сӳнми çунать хĕрӳ чĕрем,
Саншăн çунать ман çамрăк чун.
Вулавçăсен шухăшĕ
Çĕнĕ комментари хуш
Вол (2012-01-31 22:18:55):
Мĕн пулчĕ-ши, тусăм, сана?
Ăçта-ши эс? Кампа-ши эс?
Геннадий (2014-01-04 20:24:27):
кам хуравлĕ :" ăçта кайсассăн та пĕр уйăх, пĕр хĕвел- Тăван Çĕршывран хакли çук ... " тесе Александр Артемьев каланăччĕ- и е урăх автор ?