Вăрçă вучĕ витĕр эсĕ...

Александр Артемьев | Сăвă | вăрçă | юрату | 364


Вăрçă вучĕ витĕр эсĕ

Курăнаттăн куçăма,

Çут сăну, сӳнме пĕлмесĕр,

Ашăтатчĕ чунăма.

 

Шухăшлаттăм каçăн-ирĕн

Юнлă-вутлă вăрçăра:

Мĕнлерех-ши кĕтсе илĕн

Эсĕ çамрăк паттăра?

 

Эп нихçан асран ямарăм

Хам çуралнă çĕршыва,

Яланах таса упрарăм

Чĕремри юратăва.

 

Темле сивĕ кун пулсан та,

Пăрланмарĕç чĕресем:

Туйăмсем хĕрӳллĕ сан та,

Ман та çулăмлă вĕсем.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ:

Шухăшсем