Киле таврăнни

Юрий Ковалёв | Сăвă


Тĕнчере тем те пĕр эпĕ куртăм,

Кăвак тинĕс, çӳллĕ сăрт-тусем.

Тем курсассăн та васкатрăм утăм,

Килеллех вĕçетчĕç шухăшсем.

 

Улăхпа утатăп киленсе эп,

Ман умра хаваслă чечексем.

Тахçанах мана кĕтеç, пĕлетĕп,

Пуç таяççĕ халь мана вĕсем.

 

Шăнкăртаттарса юхать çăл куçĕ,

Шăпланса итлеççĕ хурăнсем.

Хӳхĕм улăх пĕтсенех ял пуçĕ,

Эсĕ курăн çул вĕçленнĕçем.

 

Эс сывах-и, ман юратнă ялăм!

Сывă-ши, хисеплĕ тăвансем?

Телее таçта та эп шырарăм,

Ман телей — çуралнă вырăнсем.

Çавăн пекех пăхăр

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ:

Шухăшсем