Çук! Килĕшеймĕп ĕмĕрне!..

Петĕр Хусанкай | Сăвă | 389


...Çук! Килĕшеймĕп ĕмĕрне!

Мĕнле ан пултăр-ха манпа

Çак хыр, улатакка е чĕмсĕр

Çак чĕрĕ, е çĕрĕшĕн

Кив çулçă айĕнчи кăмпа?

Пур чĕрĕ чун — ман тус вăл ĕмĕр!

 

Çак чарлана та курмăп-и,

Хупланĕ-и çак ким вĕçни

Хумхантарса çак Атăла?

Пĕлетĕп: Гамлетăн шăпи

«Пулатăп-и е çук?» — тени

Халь «çук» тесе вăл татăлать,

Çапах... çапах та ман пуласчĕ,

Май пур пулсан -

кунтах юласчĕ!

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ:

Шухăшсем