Пирĕн аттен çичĕ ывăл1

Пирĕн аттен çичĕ ывăл

Халăх юрри тăрăх

Пирĕн аттен çич ывăл,

Çиччĕшĕ те пит хастар:

Нихçан шывра путас çук,

Нихçан вутра çунас çук.

Пирĕн аннен çичĕ хĕр,

Çиччĕшĕ те пит хастар:

Нихçан ята ярас çук,

Нихçан намăс курас çук.

Пирĕн аттен çич ывăл,

Çиччĕшин — çичшер çунат.

Кашни çунат çийĕнчех

Хĕрлĕ çăлтăр ялтăрать.

Пирĕн аннен çичĕ хĕр,

Çиччĕшин — çич парашют.

Çӳл тӳпене çĕкленсен,

Сехри хăпать çĕленсен.

Пирĕн аттен çич ывăл,

Çич çĕр çăхан çулăхсан, —

Çичĕ авăк хушшинче

Пĕтĕ çичĕ çĕр çăхан.

Пирĕн аннен çичĕ хĕр,

Курăнсассăн çичĕ ют, —

Çичĕ юта çунтарма

Çиçĕ çичĕ парашют.