Ялта суеçĕсĕр кичем

Алексей Афанасьев | Сăвă | сăмах | 416


Çилпе çӳрет ялта сăмах,

Кусса çӳрет сăмах çăмхи:

Пĕри пĕçернĕ тет çăмах,

Теприн çухалнă тет чăххи...

 

Сăмах çумне сăмах хушсан,

Хайхи сăмах пулать така.

Яла пĕр-иккĕ çаврăнсан,

Кăркка тăваççĕ леш чăхха...

 

Ялта суеçĕсĕр кичем!

Кирлех-çке кулăш кустăрми.

Кулма мансан ял çыннисем,

Тек шăнкăртатмĕ ял çырми.

 

Шыв сыпнă пек çӳре-çӳре

Ан кӳрентерĕр урама.

Сăмах-юмах кирлех пире

Чиперрĕн калаçса кулма!

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: