Пуш вăхăтра кĕрет салтак...1

Пуш вăхăтра кĕрет салтак...

Пуш вăхăтра кĕрет салтак

Казармăн канăç пӳлĕмне,

Итлеççĕ-çке халь ав шалта

Туссем Орлова концертне.

Кино çăлтăрĕ Мускавран

Гастроле килнĕ — янратать,

Псков гарнизонĕнчи клубран

Çитен сас — репродукторта.

Çарти ретре чăваш каччи

Тăван Атăлĕнчен инçе,

Кино çăлтăрĕн юрринчи

Хумсем салтакăн чунĕнче...

Çапла итленĕ антăхса

Ун чух эп — çамрăклăхăмра;

Çав хумсемех, янрав туса,

Паян та хал çĕклеç манра.