Хырăм пăрахнă хыççăн тухтăрăн алă тупанĕ çинче выртакан ача сăмахĕ1

Хырăм пăрахнă хыççăн тухтăрăн алă тупанĕ çинче выртакан ача сăмахĕ

Ал тупанĕ маншăн – тупăк,

Час пăрахĕç витрене.

Çакă пурнăç маншăн хупă:

Кайрăм эп леш тĕнчене.

Эсĕ те, аннем, кĕç пырăн

Эпĕ кайнă çулпалах...

Аттеме те çитĕ вырăн,

Хуйхă курĕ санпалах.

Хырăмрах мана вĕлертĕр

Эсир иксĕр килĕшсе.

Халĕ ĕнтĕ веç тӳлетĕр:

Тамăк тăмĕ кӳлешсе.

Турă пачĕ çĕнĕ пурнăç

Сирĕн айăпсăр чуна.

Сирĕн вилĕм пулĕ пăрнăç -

Ма вĕлертĕр ачуна?

Эй, аннем, кĕçех куратăр

Эпĕ тӳснĕ асапах:

Касăлатăр, вакланатăр

Тамăк сулнă пуртăпа.

Сыхă пулăр та кĕл тăвăр,

Хытă тытăр тип куна.

Кулленех, аннем, ас тăвăр

Мана, айăпсăр чуна.