Ух, паттăр!

Нар Урини | Сăвă | 415


Ман ывçăмра

Пĕчĕкçĕ пăнчă евĕр

Вăрă.

Мĕн шăтĕ-ши,

Çак пĕчĕк пĕрчĕрен?

Ку çарăк пулĕ-ши,

Е роза,

Е

Кăвар пек çунан

Çеçенхир чечекĕ-ши?

Çак пĕрчĕре

Туни, çулçи,

Чечекĕпе тымарĕ те

Вырнаçнă.

Унтах тата

Тĕлĕнмелле шăрши!

Паттăр пĕрчĕ!

Мĕн чухлĕ япала вăл

Йăтнă!

Хăш чух

Кăшт çеç тымар яра пуçланă

Çакăн пек пĕрче

Таптаççĕ ăнсăртран.

Пурпĕрех вăл ăнтăлать

Хĕвел патне.

Ух, паттăр!

Паттăр пĕрчĕ!

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ:

Шухăшсем