Электронлă вулавăш

Ан васка-ха, тăван, ан васка

Ăсатмашкăн пама аллуна.

Йăпатмашкăн кулма куллуна

Ан васка-ха, тăван, ан васка.

Ан васка-ха, тăван, ан васка

Çул курки тултарса пушатма,

Ăсанан тăванна ăсатма

Ан васка-ха, тăван, ан васка.

Ан васка-ха, тăван, ан васка

Юлашки юрруна юрлама,

Чĕрене вутсăрах çунтарма

Ан васка-ха, тăван, ан васка.

Ан васка-ха, тăван, ан васка

Юлашки сăмахна калама,

Юлашки хут куçăмран пăхма

Ан васка-ха, тăван, ан васка.

Ан васка-ха, тăван, ан васка

Турă панă куна пурăнма,

Хĕвелпе уйăхран уйрăлма

Ан васка-ха, тăван, ан васка.