Кăтăр-кăтăр кăтра пĕлĕтсем...

Любовь Мартьянова | Сăвă | 378


Кăтăр-кăтăр кăтра пĕлĕтсем

Çĕр çумĕпе шăваççĕ.

Çĕр çумĕпех иртеççĕ.

Йĕрес килсен — йĕреççĕ,

Пĕтес килсен — пĕтеççĕ.

Хăйсем мĕнне пĕлмеççĕ,

Хăйсен çулне пĕлмеççĕ.

 

Эп пĕлĕт-и?

Эп — пĕлĕт мар.

 

Çын хушшинче çӳретĕп,

Çын çулĕпе çӳретĕп.

Йĕрес килет — йĕместĕп,

Пĕтес килсен — пĕтместĕп.

Çын тивĕçне хаклатăп,

Çын пурнăçне хаклатăп...

 

Эп пĕлĕт-и?

Эп — пĕлĕт мар.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: