Кĕсле-купăс


Эп ĕнереп кĕсле-купăс,

Сирĕп хуйхă-суйхăма;

Савнă тусăм йăл кулсассăн,

Кĕсле-купăс эп хамах.

 

Хĕрĕх хĕлĕх, çитмĕл чĕлĕх

Вăранаççĕ чĕремре,

Чĕтренсе каяççĕ меллĕн —

Хӳхĕмрен те хӳхĕмрех.

 

Парнеле мана, тăванăм,

Пĕрчĕн-пĕрчĕн куллуна,

Хĕрĕх хĕлĕх, çитмĕл чĕлĕх

Янăраччăр яланах.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... »
Хаклав:
Шухăшĕ:
Чĕлхе илемлĕхĕ:
Содержанийĕ: