Хĕрӳ хĕвел хĕрле хĕрелсе анчĕ...

Петĕр Хусанкай | Сăвă | 1925


Хĕрӳ хĕвел хĕрле хĕрелсе анчĕ,

Ыраш ăшне вăшпатрĕ путене.

Çĕре хуралламашкăн тепĕр анчăк —

Сар уйăх — час хăпарĕ тӳпене.

 

Çатан çумне таяннă шурă хурăн

Тĕтреллĕн тĕлĕрет шăп сывлăшра.

"Тĕнче юмах пек... Туй çакна та — пурăн!" —

Тесе чĕнетĕп эп хама ăшра.

 

Çăвар тулли кăранклатать çăханĕ,

Хутран-ситрен хухлет пĕр тăмана.

Анчах этем епле ăна ылханĕ,

Епле ăна вăл хурĕ тăшмана?

 

Пуриншĕн те тивлетлĕ çакă ирĕк,

Пурнасшăн пурте пĕр пекех çунать.

Илтетĕн-и, мĕскер калать ав çирĕк:

"Пĕр айăп та тăваймăп чĕр чуна".

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ:

Шухăшсем