Ҫак уйӑхра районсенче чи илемлӗ, пултаруллӑ пикене суйлаҫҫӗ. Пушӑн 14-мӗшӗнче акӑ «Тӑвай пики — 2014» конкурс иртнӗ. Унта 10 ял тӑрӑхӗнчи 17–25 ҫулсенчи 10 пике хутшӑннӑ. Вӗсем пурте __чӑваш чӗлхине__ аван пӗлеҫҫӗ, пултарулӑхӗпе уйрӑлса тӑраҫҫӗ.
Яланхи пекех хӗрсем малтан хӑйсемпе паллаштарнӑ. Вӗсем чӑваш наци апатне мӗнле хатӗрлемелли пирки каласа кӑтартнӑ. Конкурс вӗҫӗнче пикесем чӑваш наци костюмне тӑхӑнса кӑтартнӑ, чӑваш ташши ташланӑ. Жюри йышӗнче ЧР муниципалитет пӗрлешӗвӗсен канашӗн ӗҫ тӑвакан комитечӗн консультанчӗ М.Мурзин, «Информ-медиа» директорӗ Э.Максимов, «Чӑваш пики — 2010» ята ҫӗнсе илнӗ Алиса Королева, Чаваш наци конгресӗн ӗҫ ертӳҫи Сергей Андреев, ЧНКн «Хастар» ҫамрӑксен пӗрлешӗвӗн председателӗ И.Федоров, И.Я.Яковлев ячӗллӗ ЧППУн студентки, «Тӑвай пики — 2013» ята ҫӗнсе илнӗ Т.Константинова пулнӑ.
Кӑҫал вара «Тӑвай пики» ята __Ҫӗнӗ Пуянкасси__ ял тӑрӑхӗн пики Кристина Федотова ҫӗнсе илнӗ. «Вице Тӑвай пики» ята вара __Йӑнтӑрчӑ__ ял тӑрӑхӗнчи Эллада Данилова тивӗҫнӗ. __Турикас Тушкил__ ял тӑрӑхӗн пики Мария Кириллова «Куракансем кӑмӑлланӑ пике» пулнӑ. Елена Вьюник (Тӑвай ял тӑрӑхӑ) — «Пултаруллӑ пике», Елена Пурш (Енӗш Нӑрваш ял тӑрӑхӗ) — «Ӑс пике», Вера Кротова (Чутей ял тӑрӑхӗ) — «Ӗҫчен пике», Анастасия Петрова (Тӑрмӑш ял тӑрӑхӗ) — «Хӳхӗм пике», Анастасия Сучкова (Тӗмер ял тӑрӑхӗ) — «Ҫепӗс пике», Зоя Жарова (Элпуҫ ял тӑрӑхӗ) — «Хастар пике», Диана Сорокина (Мучар ял тӑрӑхӗ) — «Сӑпайлӑ пике».
__http://www.cap.ru/info.aspx?gov_id=80&type=news&id=2733403|**Сӑнсем**__ (54)
__...__ - сӑмаха каҫӑ евӗр тӑвасси.
__aaa|...__ - сӑмахӑн каҫине тепӗр сӑмахпа хатӗрлесси («...» вырӑнне «ааа» пулӗ).
__https://chuvash.org|...__ - сӑмах ҫине тулаш каҫӑ лартасси.
**...** - хулӑм шрифтпа палӑртасси.
~~...~~ - тайлӑк шрифтпа палӑртасси.
___...___ - аялтан чӗрнӗ йӗрпе палӑртасси.
+22.3 °C