Акан 19-мӗшӗнче __Чӑваш филологийӗпе культура факультечӗ_чӑваш филологийӗпе культура факультетӗнче__ чӑн-чӑн уяв пулчӗ. Чӑваш тумӗн уявӗ. Мӗн тери селӗм эсӗ, чӑваш кӗпи! Пирӗн умра мӗнле кӑна тӗрӗллӗ кӗпесем пулмарӗҫ пулӗ. Кашни кӗпен хӑйӗн историйӗ, хӑйӗн пурнӑҫӗ.

Пирӗн умра тури, анатри чӑваш тумӗсем пулчӗҫ. Авалхи чӑваш кӗписем анчах мар, сцена валли ятарласа ӗҫлеттернӗ тумсене те сӑнарӑмӑр.

Факультет деканӗ __В.Г. Родионов__ профессор каласа хӑварнӑ тӑрӑх, турипе анатри чӑвашсен тумӗсен тӗррисем хушшинче уйрӑмлӑхсем пур-мӗн. «~~Турисен тӗррисем вӗтӗрех, анатрисен вара шултӑрарах. Енчен те паянхи чӑвашсем тӗрӗллӗ масмак пуҫа ҫыхсан та еплерех илемлӗ те аван пулӗччӗ, тӳрех урампа чӑваш ҫынни пынине пӗлме пулӗччӗ~~», — терӗ хисеплӗ профессор.

Факультет ӗҫченӗсем ҫавӑн пекех пӗчӗк курав та йӗркеленӗ. Тумӗсем анчах мар, капӑрлӑхӗсем те куҫа савӑнтарчӗҫ. Пирӗн шутпа, ку пурне те кӑсӑклантарчӗ. Халӗ тури чӑваш хӗрарӑмсем туя кайнӑ чух еплерех эрешсем ҫакса ҫӳренине куртӑмӑр. Анатрисем те ку енчен юлса пымаҫҫӗ. __Галина Геннадьевна Ильина__ доцент алӑпа туса хатӗрленӗ мӑй ҫыххипе, тухйипе паллаштарчӗ. Чӑн-чӑн ӳнер произведенийӗ.

Ҫакӑн пек уяв пулни ҫамрӑк ӑрушӑн питӗ паха. Ку чӑваш филологийӗпе культурин студенчӗсене анчах мар, урӑх факультет студенчӗсене те питӗ килӗшнӗ, куҫ илми пӑхса тӑчӗҫ вӗсем илӗртӳллӗ уява. Уяв хыҫҫӑн кашни чӑваш хӑйӗн тумӗ ҫине пӗр-пӗр чӑваш тӗрри эрешлесе хурасса шанас килет.