: Республикӑри чи ватӑ больницӑна тӗп тӑваҫҫӗ

02.05.2009 18:253464 хут пӑхнӑ

Муркаш районӗнчи Мӑн Сӗнтӗр больницине майӗпен тӗп туса пыраҫҫӗ. Кӑҫал ҫак сиплев учрежденийӗ 131 ҫул тултарать. Темиҫе ҫул каялла кӑна ҫак больницӑн 150 койка пулнӑ, паян - 65. Ача тата ача ҫуратмалли уйрӑмсене хупнӑ, хирурги уйрӑмӗ пӗтнӗпе пӗрех. Халӑха тӗп тӑвас тесех шутлаҫҫӗ пулмалла Муркашра.
Мӑн Сӗнтӗр больници Муркаш больницине пӑханса тӑрать. Ҫак Муркаш больницин тӗп врачӗ вара 11 ҫул Патшалӑх Канашӗн депутачӗ пулса ӗҫлекен В. Г. Данилов. В. Г. Данилов Гиппократ тупине маннӑ пулмалла. Ҫак тупан пӗр постулачӗ -"Сиен ан кӳр!" Депутатӑн та халӑх мӗн ыйтнине пурнӑҫламалла. Сӗнтӗр больницине ҫӳрекенсем коллективлӑ ҫыру ҫырнӑ. Ҫыру айӗнче 595 ҫын алӑ пуснӑ.

Редакцирен: Статьяна вырнаҫтарни редакци автор шухӑшӗпе килӗшнине пӗлтермест.

[Комментариле (1)]

Комментари:

alex-net // 2263.9.8217

2009.05.03 19:48

Больница, шкул, клуб - кама кирлĕ халь вĕсем, чиновникăн унран тупăш çук. Ăçта укçа - çавăнта власть, çавăнта "Единая Россия". Пĕр парти хуçаланнă вăхăта каялла çаврăнса килтĕмĕр вĕт. Пăнтăху вăхăчĕ пуçланчĕ... Тепĕр революци кирлĕ!