Аçтахар Плотников: Йӑлӑхтарса ҫитерет...

Аçтахар Плотников23.04.2009 22:134578 хут пӑхнӑ

Ну ма чӑвашла ҫырмаҫҫӗ????? «Ҫӗнӗ ятсем уҫатпӑр» литература конкурсӑн ҫӗнтерӳҫисене чыслани пирки хыпар ҫырас терӗм. Паллах, вырӑсла вырнаҫтарнӑ хыпара куҫарса. Вӑл юрӗ-ха... чӑвашла куҫарӑпар. Анчах та хӑш-пӗр япаласене чӑвашла ҫырманни мана тарӑхтара пуҫларӗ! Уйрӑмах мероприяти ячӗсене чӑвашла ҫырманни япӑх. Ак «Через книгу – к согласию народов» ята илер. Эп ӑна чӑвашла куҫарма пултаратӑп — анчах та ман те пӳтлӗ пулса тухӗ, те япӑх... Официаллӑ ячӗ пурах ӗнтӗ ку мероприятин (наци кӗнекин фестивалӗ как-никак!) — ман кунта, Чулхулара, таҫтан шыраса тупмалла тет.
Культура министерствин сайтӗнче ятарлӑ страница та пур — анчах та унта пӗтӗмпех тенӗ пек вырӑсла (хӑш-пӗр сӑмахсен чӑвашла куҫарӑвӗ пур — ним те каламас). Тепӗр хут калатӑп — ку наци кӗнекин фестивалӗ! Логотипӗнче те пулин ҫук-и тесе шырарӑм — тупаймарӑм. Хӑҫан чӑвашланма пуҫлӗҫ-ши...
Паллакан чӗлхеҫӗ вара ҫапла куҫарса пачӗ: «Кӗнеке халахсене килӗшӳ тупма пулӑшать». Капла та пулин вырнаҫтаратӑп.

Редакцирен: Статьяна вырнаҫтарни редакци автор шухӑшӗпе килӗшнине пӗлтермест.

[Комментариле (1)]

Комментари:

Анонимла // 4042.34.4763 2009.04.24 06:49
	Чǎвашлǎхшǎн пысǎк ĕç тǎватǎр эсир.Тǎван çĕршыв ( уйрǎм çыраймастǎп) манмĕ-ха.