Аçтахар Плотников: 29-мӗш mp3 пуххи килӗшрӗ

Аçтахар Плотников09.12.2008 20:564091 хут пӑхнӑ

Хам валли лайӑх mp3 пуххи тупрӑм — «Аксар» кӑларнӑ 29-мӗш номерли. Ку кӑларӑмра чӑваш халӑх юррисене пухнӑ. Вӗсене, паллах, ытларах пайӗпе, хальхи юрӑҫсемпе ушкӑнсем юрлаҫҫӗ. Кӗввине те чылайӗшӗнче хальхи инструментсемпе тунӑ (Т. Петрова юрлакан пӗр юрӑра акӑлчанла калакан кӗвӗпе усӑ курнӑ! Sic!). Тем тесен те мана чӑваш халӑх юррисем ытларах килӗшеҫҫӗ. Хальхи юрӑсенчен хӑшӗ-пӗри ҫеҫ пысӑк хака тивӗҫлӗ, ыттисем вара ҫуп-ҫап кӑна (ҫапах та мӑкшӑсем, сӑмахран, вӗсем пурришӗн пире ӑмсанаҫҫӗ). Ку дискри юрӑсенчен мана уйрӑмах А. Сарри юрлакан «Кайӑк хур юрри», «Ан кай кӑвакал», «Ан авӑн шӗшкӗ» (Артемьевӑн ҫав ятлӑ калавне вуланӑ май мӗнле юрӑ-ши вӑл теттӗм), «Чечек акрӑм та» (питӗ илемлӗ юрӑ!), С. Матвеевӑн «Слакпуҫ ҫӗрӗнче», «Шевле» ушкӑнӑн «Ҫӗнӗ ҫӑпата». Ыттисем те чылайӑшӗ килӗшрӗҫ, кусам вара ытларах.

Редакцирен: Статьяна вырнаҫтарни редакци автор шухӑшӗпе килӗшнине пӗлтермест.

[Комментариле]