: Хурлӑхлӑ хыпар

01.10.2008 06:284120 хут пӑхнӑ

Кемаль Чепрас
Ҫап-ҫамрӑкчӗ-ха вӑл - 1964 ҫулта ҫеҫ ҫуралнӑ. Турцири Кастамону вилайечӗн Арач илчинчи маттур ҫынччӗ. "Уфук отеси" (Ҫутӑ леш енчи е горизонт леш енчи) хаҫат кӑларатчӗ. Тӗрӗк тӗнчине хытӑ юрататчӗ. Пур тӗрӗк халӑхне те юрататчӗ, анчах асаплӑ шӑпаллӑ Крым тутарӗсене тата чӑвашсене ыттисенчен те ытларах юратнӑн туйӑнатчӗ. Ҫавӑнпах-и, вӑл Чӑваш Ене темиҫе те ҫитсе курнӑҳҳӗ. Чӗмпӗр тӑрӑхӗнчи Чӑвашкасси ялӗ (халӗ те авалхи тӗне упрать), Патӑрьел, Муркаш, Етӗрне районӗсем, Петр Мазуркин тата Балтай Микуҫӗ ӳнерҫӗсен килӗсем халиччен те ҫак ӑшӑ пит-куҫлӑ тата уҫӑ кӑмӑллӑ ҫынна астӑваҫҫӗ-тӗр. Хӑй курни-илтнине вӑл вулакансене савӑнса та тӗлӗнсе ҫырса кӑтартаччӗ. Вӑл пулӑшнипех 1999 ҫулта Шуцпашкарта Турцире ҫӗр чӗтреннине сӑнлакан "Тӑван инкекӗ - пирӗн инкек" фотокурав пулнӑччӗ. Вӑл пулӑшнипех пӗлтӗр кӑна Шупашкар районӗнчи Ҫӗньял пултарулӑх ушкӑнӗ Костамуна хулинче иртнӗ Тӗрӗк Тӗнчин кунӗсене хутшӑннӑччӗ. Вӑл пулӑшнипех пӗр чӑваш хӗрачи Кипрта Гирне хулинчи университетра тӳлевсӗр вӗренет. Ӗмӗтсем тата пысӑкччӗ, анчах та кӑҫалхи авӑн уйӑхӗнчи ҫул ҫинчи аыварире пирӗн тӑванӑмӑрӑн кун-ҫулӗ вӑхӑтсӑр татӑлчӗ. Чӑвашсемшӗн ку калама ҫук пысӑк ҫухату. Унӑн ятне тата ырӑ сӑнарне эпир ӗмӗрне те манмӑпӑр.
Хурланса Владимир Кожевников журналист

Редакцирен: Статьяна вырнаҫтарни редакци автор шухӑшӗпе килӗшнине пӗлтермест.

[Комментариле (1)]

Комментари:

Ramzaj // 7102.6.2739

2008.10.04 22:23

Не будем за всех говорить и оскорбления не лучший способ поиска правды.Чувашский народ возможно живет в данный момент чужим умом и молится чужим Богам.(это лично мое мнение)
К сожалению не знал о жизни и смерти Кемаль Чепрас.