Аçтахар Плотников: Юр-ҫумӑр урлӑ...

Аçтахар Плотников28.09.2008 01:084810 хут пӑхнӑ

Эх... паян малтанхи кунсемшӗн ҫывӑрса тӑрантӑм. 12 сехет ҫывӑрнӑ :) Паян ӗҫлемелле мар пулин те ӗҫе пӗр япалана кайса пама палӑртнӑччӗ те апатланнӑ хыҫҫӑн ҫула тухрӑм. Урамра вара — йӗпе-сапаллӑ ҫанталӑк. Ҫумӑр пӗрехет, сивӗ ҫилӗ вӗрет. Ку ҫанталӑкра килте ларма лайӑх — анчах та шӑматкун автобуссенче ҫын сахал пулнине кура вӑл япалана ӗҫе леҫесех терӗм, ҫумӑрлӑ ҫанталӑка пӑхмасӑрах килтен тухрӑм. Ӗҫе ҫитнӗ тӗлелле ҫумӑрсӑр пуҫне юр та ҫума тытӑнчӗ! Тата ӗнерех метромост тунӑ вырӑна кайса пӑхас тенӗччӗ (кам пӗлнӗ-ха ҫапла ҫанталӑк пуласса?) — малтан иккеленсе тӑтӑм, кайран вара, ҫумӑрпа юра пӑхмасӑрах, кайрӑм. Эх, сивӗ те иккен ҫыран хӗрринчи ҫил! Пӗр шеллемесӗр вӗрет! Хӑлхасем те шӑнса кайрӗҫ ӗнтӗ — эп ҫавах хам палартса хунӑ ҫулпа утатӑп! Ӑслӑраххи тахҫанах палартса хуни ҫине сурӗччӗ те киле, ӑшӑ вырӑна, таврӑнӗччӗ! Эпӗ пур — ҫаплах таплаттаратӑп, метрокӗпере тунӑ вырӑнта ҫынсем хӗвӗшнине сӑнатӑп. Юрӗ те тата ҫума пӑрахмасть — эпӗ киле ҫитессе кӗтет пулас :) Чӑнах та, эпӗ ҫак пӗчӗк ҫулҫӳреврен таврӑннӑ ҫӗре ҫума пӑрахрӗ, малалла ҫумри кӑна пӗрехме тытӑнчӗ...

Вӑт ҫапла,.. йӗпенсе килтӗм вара паян.
//ку ҫырӑва эпӗ хамӑр ҫыравҫӑ ӑсталӑхне туптама ҫыртӑм :) Ним ҫукран аппаланса ларать ан тейӗр :)

Редакцирен: Статьяна вырнаҫтарни редакци автор шухӑшӗпе килӗшнине пӗлтермест.

[Комментариле]