Сайта кӗр | Регистраци | Сайта кӗрсен унпа туллин усӑ курма пулӗ
 +5.3 °C
Вӑррӑн пуҫ тӳпинчен пӑс тухать.
[ваттисен сӑмахӗ]
 

Ӑртивансен Сӑварӗ: Ҫӗртме уйӑхӗн 3-мӗшӗ – Чӑваш кӗнеки кунӗ

Ӑртивансен Сӑварӗ02.06.2021 10:142019 хут пӑхнӑУлӑштар Кӑларса пӑрах

1769 ҫулхи кӑрлачӑн 12-мӗшӗнче Ӑслӑлӑх академийӗн типографийӗнче Вениамин архиепископ (Василий Пуцек-Григорович) Хусантан ярса панӑ чӑваш чӗлхин грамматикине 600 экзеплярпа пичетлеме йышӑннӑ. Кӗнеке сутлӑха тухни ҫинчен 1769 ҫулхи ҫу уйӑхӗн 22-мӗшӗнче «Санкт-Петербургские ведомости» хаҫатӑн 41-мӗш номерӗнче хыпарланӑ. Ҫак куна ҫӗнӗ стиле куҫарсан ҫӗртме уйӑхӗн 3-мӗшӗ пулать. Чӑваш кӗнеки ҫынсем (вулакансем) патне ҫитнӗ кун вӑл. Кӗҫех тӗрлӗ хаҫат-журналта кӗнеке пирки ҫырнӑ хаклавсем пичетленеҫҫӗ, вӑл ҫут тӗнчене килнине ют ҫӗршыв тӗпчевҫисем те асӑрхаҫҫӗ. Сӑмахран, Германири «Göttingische Anzeigen von Gelehrten Sachen» журналта ҫак кӗнеке ҫинчен питӗ ырласа ҫырнӑ хаклав тухать. Ку «Сочинения, принадлежащие к грамматике чувашского языка» ӑслӑлӑх ӗҫӗ тӗрӗк чӗлхисен чи малтан пичетленсе тухнӑ грамматики пулнӑ. Ҫапла вара, эпир ҫак паллӑ куна вӑл питех те пӗлтерӗшлӗскер тесе калама пултаратпӑр. Малашне ҫак куна Чӑваш кӗнеки кунӗ тесе палӑртни питех те тӗрӗс пулнӑ пулӗччӗ. Тепӗр вунӑ кунтан православи уявӗ — Ермей Асаплануҫӑ кунӗ — ҫитет. Грамматикӑна ҫырнӑ ӗҫе Ермей Рожанский те хутшӑнни паллӑ. Эппин, унӑн ҫуралнӑ кунӗ та ҫав тӗлерех теме пулать. Кӑҫал вара ҫав чӑваш ҫутуҫи ҫуралнӑранпа 280 ҫул ҫитрӗ. Пысӑк уяв!

 
Редакцирен: Статьяна вырнаҫтарни редакци автор шухӑшӗпе килӗшнине пӗлтермест.

Комментари:

Agabazar // 1504.19.2038
2021-06-02 15:37
Agabazar
Çуттатуртавçă. Çутлăхçă.
Agabazar // 1504.19.2038
2021-06-02 15:40
Agabazar
Чăваш кĕнеки темелли икĕ кандидат — ку статьяра асăнаканни (1769) тата Кĕске (е пĕчĕк, лайăхах астмастăп) катехизис (1800).
Галина Соловьева // 5059.3.5746
2021-06-02 16:51
Чӑваш чӗлхи историйӗнче «Сочинения, принадлежащие к грамматике чувашского языка» кӗнеке паллӑ вырӑн йышӑнать. Унпа Чӑваш Республикин Наци библиотекинче паллашма пулать.
Ҫӗртме уйӑхӗн 10-мӗшӗнче библиотекӑра чӑваш ҫутуҫи Ермей Рожанский ҫуралнӑранпа 280 ҫул ҫитнӗ май ҫавра сӗтел ирттерме палӑртнӑ. Чӑваш чӗлхи историйӗпе кӑсӑкланакансене пурне те библиотекӑна йыхравлатпӑр. Чӑваш кӗнеки кунне пӗрле ирттерӗпӗр. Мероприяти 15 сехетре пуҫланать.
Сире хисеплесе Наци библиотекин наци литературипе библиографи пайӗн ертӳҫи Галина Соловьева.
Файл Истории // 2239.79.4715
2021-06-24 10:58
Электроннала pdf файл мобильный телефон валли версийӗ приключенниле чӑвашла кӗнеке
"ПӐЛХАР ҪАР ҪЫННИ" шырама пулать Национальный Библиотекара.(пр.Ленина 15,г.Чебоксары)
Оригинал и электронный копийӗ Национальный Библиотекана та килнӗ.

Agabazar // 1822.35.4378
2021-06-24 14:41
Agabazar
Чăвашла таса калаçма çав териех йывăр-им вара?

Комментариле

Сирӗн ятӑp:
Анлӑлатса ҫырни:
B T U T Ячӗ1 Ячӗ2 Ячӗ3 # X2 X2 Ӳкерчӗк http://
WWW:
ӐӑӖӗҪҫӲӳ

Пурӗ кӗртнӗ: 0 симв. Чи пысӑк виҫе: 1200 симв.
Сирӗн чӑвашла ҫырма май паракан сарӑм (раскладка) ҫук пулсан ӑна КУНТАН илме пултаратӑр.

Эсир усӑ курма пултаракан Wiki тэгсем:

__...__ - сӑмаха каҫӑ евӗр тӑвасси.

__aaa|...__ - сӑмахӑн каҫине тепӗр сӑмахпа хатӗрлесси («...» вырӑнне «ааа» пулӗ).

__https://chuvash.org|...__ - сӑмах ҫине тулаш каҫӑ лартасси.

**...** - хулӑм шрифтпа палӑртасси.

~~...~~ - тайлӑк шрифтпа палӑртасси.

___...___ - аялтан чӗрнӗ йӗрпе палӑртасси.


Orphus

Баннерсем

Шутлавҫӑсем

 
Сайт пирки | Пулӑшу | Статистика
(c) 2005-2018 Chuvash.Org
Сайтри материалсене (ытти ҫӑлкуҫсенчен илнисемсӗр пуҫне) CreativeCommons Attribution-ShareAlike 3.0 лицензипе килӗшӳллӗн усӑ курма пулать. Сайтпа ҫыхӑннӑ ыйтусене кунта ярӑр: site(a)chuvash.org