Виталий Станьял: Иосиф Дмитриев тупӑкӗ ҫине

Виталий Станьял20.11.2018 13:0112655 хут пӑхнӑ

За каплю крови, общую с народом,

И малый труд в заслугу мне сочти!

Н. Некрасов. Умру я скоро.

Сывпул, тӑван ҫӗршывӑм.

Тӑван ҫӗршыв, сывпул,

Хамӑр ялавӑмӑр пирӗн пуҫ ҫинче

вӗлкӗшнӗ чух

эпир хӑюллӑ та хӑватлӑ.

Юнпа пӗветнӗ ялава йӑх-ях

сутса та сӑхланса,

Миҫе хутчен ҫапса ӳкерчӗ —

сахалччӗ паттӑр йыш —

Кӗрешрӗмӗр ҫапах.

Тӑвас ӗҫсем нумайччӗ,

Шухӑш аслӑ,

Ӗмӗтленни вышкайсӑр

пулнӑран

Пире пӗрерӗн касрӗҫ

тӑпӑлтарчӗҫ,

Памарӗҫ ӗҫлемешкӗн пур вӑйран.

Каҫар, тӑван ҫӗршыв,

Айван ачусене

Чӑмӑртанма пӗлменшӗн.

Тӑван Чӑваш ҫӗршывӗ,

пирӗн тӳрленейми суран,

Сана чӗре ҫине илсе

мӗнпур инкексемпе

каятпӑр уйрӑлса,

Яш чухнехи пекех —

вӗри савса, хавассӑн,

шанса та ӗненсе,

сӑмах чӗнмесӗр,

пуҫа тайса халӑхӑмӑр

умне.

Тарӑн тымарлӑ халӑхӑм,

Ан парӑн, сыхӑ пул, упран.

Виталий Станьял

20, чӳк, 2018

Редакцирен: Статьяна вырнаҫтарни редакци автор шухӑшӗпе килӗшнине пӗлтермест.

[Комментариле (21)]

Ҫавӑн пекех пӑхӑр

2024.08.20

В Чебоксарах состоялся творческий отчет председателя Канаша (Совета) чувашей Башкирии

Тимӗр Акташ

2024.07.29

Экскурсия чувашских академиков и краеведов в Мариинско-Посадкой округ

Тимӗр Акташ

Комментари:

Армути // 1461.11.9464 2018.11.20 17:23
	Некрасова çапла куçарма сĕнетĕп: Халаăхăмпа пĕрле юн тумлатнишĕн Сахал ĕçĕмсене те шута хур!
Виталий Козлов // 6370.2.7765 2018.11.21 08:45
	Таса чунлӑ, тӑрӑшулӑ ҫыннӑн ӗмӗрӗ асра юлать! Ӑна чыслакансем тава тивӗҫлӗ ҫынсем!
Agabazar // 3379.19.2643 2018.11.21 09:01
	Халлĕхе леш Некрасов сăмахĕсене йĕркепĕрĕн куçарнипе та çырлахма пулать. Анчах та Армути куçарни поэзи шайнех çĕкленнĕ. Апла-и, капла-и, анчах унашкал цитатăсене нихçан та "çаралла" (куçармасăр) памалла мар. Яланах куçарса хăвармалла. Яланах. Хальхи пек самантсенче — пушшех те.
Талпиçен // 3766.27.7677 2018.11.23 19:35
	Эпиграфсм темле челхепе те пур.
Agabazar // 4218.20.6315 2018.11.26 14:49
	Сăмах ун пирки мар. Пултăр хуть суахили чĕлхипе, хуть эскимосла, хуть хранццусла, хуть шведла — анчах та эс ăна çапла халлĕн куçармасăр ан хăвар! Линк палли ларт та, айккинче (аялта) чăвашла куçару вырнаçтар.
Талпиçен // 2664.27.8672 2018.11.26 17:11
	Тĕрĕс калатăн, Акапасар.Суахили,нгасаран, нивх чĕлхисенчен илнĕ эпиграфсене мĕн=ма ăнланмалла куçарас çук!
Agabazar // 3291.61.1705 2018.11.27 15:25
	Кунта эпиграф суахили чĕлхипе мар. Вырăсла. Анчах та ăна та чăвашла куçарасах пулать. Илемлĕх майĕсемпе е йĕркепĕрĕн — ку вара урăх ыйту.
Лешкукша // 3221.67.4830 2018.11.29 23:55
	Уйрӑлу сӑмахне тупӑк е вилтӑпри ҫине ҫырса хурасси - лайӑх йӑла. Станьял верлибрӗ питӗ вырӑнлӑ та тӗрӗс.
Agabazar // 3782.40.5567 2018.12.01 12:14
	<<Пĕр-пĕр палла эп тивĕçлĕ пулсассăн,// Чăваш сăмахĕ пултăр ман çире!" ©Петĕр Хусанкай
Арлан // 2195.12.4422 2018.12.02 15:21
	Пуҫ юписем ҫинче чӑвашла лайӑх эпитафисем эпӗ самаях курнӑ. Вӗсене П. Н. Метин профессор тӗпчесе кӗнеке кӑларнӑччӗ. Пит ӑнӑҫлисем пур, шеремет!