Сайта кӗр | Регистраци | Сайта кӗрсен унпа туллин усӑ курма пулӗ
 +0.3 °C
Ӗҫ ҫӗклет, ӳркев ӳкерет.
[ваттисен сӑмахӗ]
 

Аçтахар Плотников: Санкт-Петербург

Аçтахар Плотников30.10.2007 13:514716 хут пӑхнӑ
Ҫапла, эпӗ Питӗре ҫитсе куртӑм. Каласаччӗ ӗнтӗ, эпӗ Питере пӗрремӗш хут мар, иккӗмӗш хут лекрӗм. Анчах та пӗрремӗш хут лекнӗ чухне ку хула мана таса мар, кичем хула пек курӑнчӗ. Ун чухне мана кив хулана кӑтартманчӗ, ҫӗнӗ вырӑнсене кӑна курма тӳр килчӗ. Ҫӗнӗ вырӑнӗсем вара Раҫҫейри ытти хуласенчен уйрӑлса тӑмаҫҫӗ. Ҫавӑнпа та вӑл мӗнпе чаплӑ пулни мана курӑнмасчӗ, мӗншӗн ӑна ҫапла мухтани мана паллӑ марччӗ.
Хальхинче вара мана кӑтартрӗҫ. Пӗр ҫын кӑна мар, иккӗн-виҫҫӗн. Пурте мана хулан чи паллӑ, чи лайӑх вырӑнсене кӑтартасшӑн пулчӗҫ. Ҫапла вара хальхинче хулана мана лайӑх енчен кӑтартрӑҫ. Алатар мана хӑй машини ҫинче лартса ҫӳрерӗ — ҫитнӗ хыҫҫӑнах кӗскен чи чаплӑ вырӑнсем тӑрӑх кӑтартса ҫӳрерӗ. Эпӗ хулана пӗлместӗп те, анчах та темшӗн вӑл мана ҫавӑртарса ҫӳрени туйӑнчӗ. Картта тӑрӑх ҫаврӑнса ҫӳремелле мар пек, анчах университет ҫуртне ҫитмешкӗн чылай ҫаврӑнса ҫӳрерӗмӗр. Анчах та нумай паллӑ вырӑнсене вӑл кӑтартрӗ. Ун чухне ирччӗ тата, кашни ҫурта, кашни палӑка лайӑк пӑхса тухма май пурччӗ. Ҫӳп-ҫапӗ те сахалччӗ. Халӗ суйлав вӑхӑчӗ ҫитнӗ май хулари чылай ҫуртсене юсаса тирпейлеме шутланӑ.
Мана, хула хӑнине, Егоров картине те, Исаак соборне те, кӗперсене те, юханшывсене те, каналсене те, дворец лаптӑкне те, тӗрлӗ палӑксене те кӑтартрӗҫ. Генадий Кудряшов вара мана шупашкар пралукне кӑтартрӗ. Вӑл пысӑк мар, унта пӗр ҫурт кӑна. Ҫапах та вӑл ҫурт ҫинче эпӗ икӗ асӑну хӑмине куртӑм. Пӗчӗк пулин те ку пралукра икӗ паллӑ ҫын пурӑннӑ :).
Питӗр чӑвашӗсем
Паллах, ҫак ҫулҫӳревре эпӗ нумай чаплӑ ҫынсемпе паллашрӑм, туссемпе тӗл пултӑм. Чи малтан Википедине хутшӑнакан ҫынсене асӑнас пулӗ — Викиконференцине кайсаччӗ те ӗнтӗ. Вечеслав Иванов, Денис Сахарных — вӗсемпе малтан тӗл пулманччӗ. Питӗ чаплӑ ҫынсем, чаплӑ ӗҫ тӑваҫҫӗ. Петрянь Андюпа тӗл пултӑм, унпа эпӗ чи малтан Эрзянь раськень уявра тӗл пулсаччӗ.
Ҫавӑн пекех интертетелте тахҫанах паллашнӑ ҫынпа, Алатарпа тӗл пултӑм. Питӗ чаплӑ ҫын. Ҫавӑн пекех Алексей Иванов-Ехветпе паллашрӑм. Нумай пӗлекен ҫын.

Тепӗр хут хулана ҫулла пырса курма чӗнчӗҫ, ун чухне кун ҫути ытларах пулӗ терӗҫ. Халӗ кӗр кунӗсем пулнӑ май час тӗттӗмленет. Ҫапах та мана кӗрхи Питӗр килӗшрӗ. Кив хулана кӗрхи тӗссем питӗ килӗшеҫҫӗ.

Тепре килсе куратӑпах!
 
Редакцирен: Статьяна вырнаҫтарни редакци автор шухӑшӗпе килӗшнине пӗлтермест.

Комментариле

Сирӗн ятӑp:
Анлӑлатса ҫырни:
B T U T Ячӗ1 Ячӗ2 Ячӗ3 # X2 X2 Ӳкерчӗк http://
WWW:
ӐӑӖӗҪҫӲӳ
Пурӗ кӗртнӗ: 0 симв. Чи пысӑк виҫе: 1200 симв.
Сирӗн чӑвашла ҫырма май паракан сарӑм (раскладка) ҫук пулсан ӑна КУНТАН илме пултаратӑр.
 

Эсир усӑ курма пултаракан Wiki тэгсем:

__...__ - сӑмаха каҫӑ евӗр тӑвасси.

__aaa|...__ - сӑмахӑн каҫине тепӗр сӑмахпа хатӗрлесси («...» вырӑнне «ааа» пулӗ).

__https://chuvash.org|...__ - сӑмах ҫине тулаш каҫӑ лартасси.

**...** - хулӑм шрифтпа палӑртасси.

~~...~~ - тайлӑк шрифтпа палӑртасси.

___...___ - аялтан чӗрнӗ йӗрпе палӑртасси.

Orphus

Ытти чӗлхесем

Баннерсем

Шутлавҫӑсем