Аскольд Де Герсо: Хӑҫанччен?

Аскольд Де Герсо06.06.2018 08:501482 хут пӑхнӑ

Кемерово хулинче пулса иртнӗ< пушар пирки ҫырнӑччӗ ӗнтӗ, комментарисем ҫыракан пулмарӗ, те ҫакӑ халӑха килсе тивекен пулӑм мар. Халӑха урӑх ыйтусем хумхантараҫҫӗ пулас. Анчах та начар япала пӗччен ҫӳремест тенине пурте илтнӗ. Кемеровори пушар ҫинчен сӑмахсем ҫӗтсе ӗлкӗрмерӗҫ, Хусан хулинче суту-илӳ центрӗнче пушар. Ҫанталӑкне айӑпламалли-ши? Е Ҫӳлти Турӑ айӑплӑ-ши пирӗн пуҫлӑхсемшӗн? Пурте пӗлсе тӑраҫҫӗ еплерех ремонт ӗҫӗсене ирттернине, хам ҫак ӗҫре тӑрӑшнӑран питӗ аван пӗлетӗп меслечӗсене. Кирлӗ таранччен укҫа тенкӗ тыттартӑн, хуть мӗн, хуть мӗнле условипе уҫма ирӗк пур. Халӑхне вара ҫите юлать, ара, 3D кино кӑтартаҫҫӗ-ҫке. Сывлӑх хаклӑрах-и е кино курасси? Сывлӑх пулсан, кӑштахран 7Dкино та курма пулать, халӗ вара 3D пурнӑҫӑнта юлашки кино пуласси куҫ кӗрет курӑнсах тӑрать. Хӑварта ирӗк, маншӑн вара пурнӑҫ хаклӑрах.

Редакцирен: Статьяна вырнаҫтарни редакци автор шухӑшӗпе килӗшнине пӗлтермест.

[Комментариле (2)]

Комментари:

Аскольд Де Герсо // 3680.16.3938 2018.06.09 16:40
	Чăваш чĕлхине пĕтереççĕ те кăшкăрашнă хушăра халăхĕ пушарсенче пĕтме пултарасси никама та кăсăклантармасть-ши е? Е тата чĕлхе пулсан халăхне тупăпăр теççĕ-ши, тен? Пушар хăрушсăрлăхĕ пĕрремĕш вырăнта тăмалла ман шутпа, анчах та сайт çинче çак ыйту таçта айккинче тăрать... Ара, пире тĕкĕнмест вет тесе шутлаççĕ пулĕ.
Аскольд Де Герсо // 1456.67.2497 2018.06.19 22:48
	Сайт çинче вулакансене кулленхи пурнăç пĕртте шухăшлаттармасть пулас, пурте чăваш чĕлхи пĕтет тесе лăркаса лараçĕ. Пĕтет, енчен те эсир вырăса çаврăнса пырсан, кăшт пуçа уйлаттармасан. Пĕтересси вăрах ĕç мар, ăна вăхăт та кирлĕ мар, ирĕк çеç пар. Пурте вара кулленхи пурнăç тăрăх пырать, пурнăçра пурте пĕр пĕринпе тачă çыхăнса тăрать, анчах та кун пирки пĕр никама та шутлаттармасть пулас.